33. ad Callimachum etruscum poetam insignem,
pannonii regis amicum

Callimache, aeterni renovas qui nomina vatis,

      Nec sinis ut versu sit prior ille tuo,

Etrusci vatis peregrinum suscipe carmen

      Hospitiumque illi praebe, poeta, tuum.

5

Commendes precor ut docto mea carmina regi,

      Vt Mecennatis praebeat offitium.

Laudari a doctis vera et pulcherrima laus est;

      Plebs sine doctrina, iudicioque caret.