9. quod difficile est optare
et possidere divitias sine crimine,
nec simul Deus et divitiae amari possunt
Esse cupis foelix et nullo crimine dives,
Et cupis aeterni regna videre Dei?
Nil agis, infoelix! Optas contraria vota:
Vis fieri magna cum gravitate levis.
5
Non geminis opus est, sed pes tibi sufficit unus:
Vnica per callem ducit ad astra via;
Angelico effectus Iacob certamine claudus,
Diversum ut vitae nosceret offitium.
Quo poteris pacto fieri sine crimine dives?
10
Nec cum divitiis Christus amandus erit.