136. ad Cronicum

Si pestis teneram tibi parentem

Et fratres rapuit, simul sorores,

Quid tu non meritas comas recidis

Et nudas caput omnibus capillis?

5

O, solaciolum novum doloris,

Ignotum ac atavis avisque priscis!

Illi ab exsequiis caputque mentum

Detonsum minime diu ferebant,

Quod index habitus foret doloris.

10

Sed tanti tibi mors tuae parentis

Non est, ut capitis feras dolorem

Et curam propriae abnuas salutis.