93. ad Fabium

Nugarum studiose congregator,

Quas vinum mihi dictat et Cupido

Inter tot strepitus negotiorum,

Quid gratus tibi debeam tuisque

5

Membranis, miniis et umbilicis,

Quis cultus meus ambulat libellus

Inter manciolas tenerrimarum,

Novi et veisiculis meis rependam.

Scribam quod neque negligentiorum

10

Rubigo neque deleat vetustas:

Non est Callimachi perennis ore,

Sed cura Fabii, libellus iste.