41. ad Marsum
Aspice Castorea laeva dum tractat habenas
Vt Lepidus dextram tollit in astra minax
Primaque ceu plantis imitatur cornua lunae
Fortius et Nesso firmus inhaeret equo.
5
Et nunc ire sinit, stimulis nunc currere cogit,
Nunc agit in gyrum pulverulentus eum.
Ventilat aura iubas, fumant sub naribus ignes
Dentibus atteritus fervet in ore chalybs,
Spumoso phalerae candent sudore profusae
10
Et tremit a cursu Roma superba suo.
Illius ad faciem miratrix turba movetur
Et plausus caelo vix capiente sonant.
Cumque iam sileat de te cum Castore fama
Cumque suo Lepidum postmodo narret equo.