37. ad Iulium Pomponium
Pomponi, decus eruditionum
Non harum modo, sed quot arx Minervae
Aut septem domini edidere colles:
Sic sis cura diu omnium deorum
5
Et te Pierides vocent parentem,
Vt misso studio severiorum
Nugas illepidas ineptulasque,
Quas scripsi calamo licentioso,
Non duris nimium leges ocellis.
10
Aetatem teneram decent Camenae
Molles ac Veneris Cupidinisque
Lusus cum salibus leporibusque
Audis et ioco et omnibus cachinnis.
Certis postmodo mensibus sed actis
15
Vultus Pieris induet severos
Et scribet Curiis Catonibusque.