101. epytaphium Ioannis Longini iunioris
Mortuus ante diem, iacet hac sub mole Ioannes
Qui fuerat gentis stella secunda sue!
Et potuit superare omnes virtutis honore
Cedere sed fratri sponte sua voluit;
5
Vnde ait, extremum vite cum sensit adesse
Tempus et articulos frigus adire suos:
"Quos mihi dempsisti fratri da, Iupiter, annos;
Nam patrie atque domus certior ille salus".