77. ad Fabium Ambustum

Nugarum studiose congregator,

Quas vinum mihi dictat et Cupido

Inter non tetrice choros Minerve,

Quid gratus tibi debeam tuisque

5

Membranis miniis et umbilicis

Quis cultus meus ambulat libellus

Inter manciolas tenerrimarum

Novi, et versiculis meis rependam.

Scribam quod neque negligentiorum

10

Rubigo neque deleat vetustas:

Non est Callimachi perennis ore

Sed cura Fabii libellus iste.