Callimaco Esperiente epigrammatum libri duo 2, 77

Reference basis text: C. F. Kumaniecki, 1963

Editing of the digital edition: Barbara Zlobec


77. ad Paliscum

Vt referant facies fabricant simulacra sepultas

      Verbaque pro lingua littera picta facit.

Tu facis, ut vivus gelida videare figura

      Et loquitur quod tu sculpta tabella taces.

5

Seu dubitas, quin te faciat tua Musa perennem

      Et fieri plumbo debiliore putas,

Seu cupis effigiem proprii discernere vultus

      Nescius hanc umbram posse referre tibi,

Te faciet clarum melius tua Musa metallo

10

      Et faciem vitro verius inspicies.