Naldo Naldi epigrammaton liber, 153

Testo base di riferimento: A. Perosa, 1943

Cura dell'edizione digitale: M. Rossi


153. ad Laurentium Medicen

Hinc procul a nobis curae, procul ite labores:

      Ingressa est tutos nostra carina sinus.

Iupiter e caeli Medicen statione tuetur,

      Qui bene nos itidem spectat ab arce poli.

5

Vicimus omne malum, luctantia vicimus astra,

      Te duce, cui, Laurens, dat fera Parca locum.

Hinc, Saturne, tibi, data non erit ulla facultas,

      Vt noceas: vetat hoc stella benigna Iovis.

Nam Medices, qui tam populos valet inter Etruscos,

10

      Iupiter in superos quam valet ipse deos,

Qua durum Lygurem, qua quaeque gravissima vicit,

      Hac quoque me victor proteget usque manu.