Naldo Naldi epigrammaton liber, 146

Testo base di riferimento: A. Perosa, 1943

Cura dell'edizione digitale: M. Rossi


146. ad invidum maledicum

Crescimus ex numeris, quos das mihi nuper ineptus,

      Crescimus invidia, vir male sane, tua;

Laus mihi summa venit, mea si bene facta rependas,

      Si mea displiceant optima dicta tibi.

5

Nam, quo nostra minus stulto tibi Musa probatur,

      Hoc magis est doctis usque probanda viris.