142. ad Giannotium Pandolphinum

Pandolphine, decus iuvenum, quos Tuscus amoeno

      Flumine, quos vitreis irrigat Arnus aquis:

Sic det Apollo suis similes tibi ferre capillos,

      Sic lauro comptas det tibi ferre comas,

5

Sic, velut ingenio multos Latiave Camena

      Iam superas, Graios det superare viros,

Te rogo, me patri commendes, nate, Philippo,

      Optima qui patriae consulit usque suae.