133. ad Petrum Stiam Laurentii Medicis scribam

Sic de, Petre, tua se fundat in omnia petra

      Fons Aganippeae plurimus instar aquae,

Sic Medici semper facias quaecunque placebunt,

      Sic bonus ingenio cuncta det ille tuo:

5

Nos ita Laurento Medici te, Petre, rogamus

      De me pauca loquens insinuare velis,

Vt mea quod potuit non dum mihi ferre Camena,

      Gratior ob meritum det tua Musa mihi.