131. ad Laurentium Medicen virum clarissimum

Iupiter in superis quoties cupit esse quietem

      Atque ratum, quod agit, vult bene constet opus,

Advenit ipse suo resplendens numine princeps

      Maximus ac reliquis praesidet ipse deis,

5

Qui, praesens postquam pater est, non dissidet ullus

      A Iove, sed tacitus quaeque gerenda facit:

Sic opus est ut agas Laurenti maxime, si vis,

      Quod pro me tentas, ut bene constet opus.

Nam, simul advenies, concordes protinus omnes,

10

      Quae bonus annueris, cuncta libenter agent;

Nanque tuis, tanquam vel ad optima semper agenda,

      Numinibus cedent, te veniente deo.