124. in Bartholomeum Pratoveterem

Siqua fides veris dabitur, mihi credite, verbis,

      Iam graviora, leves, bella timete, grues:

Vxor enim minimo minor est sic iuncta marito,

      Sic minor exiguo nupta puella viro,

5

Vt quoties ad opus Veneris consurget uterque

      Et cunnum fodiet mentula parva brevem,

Tot puto pygmaea nascentur origine fratres,

      Tot vos pygmaei seminis arma petent,

Vt, quibus est dira bellum cum gente gerendum,

10

      Heu, cito vos rapiat, pestis acerba, grues.