Callimaco Esperiente carmina, 145

Reference basis text: F. Sica, 1981

Editing of the digital edition: Barbara Zlobec


145. ad Aulum de Labieno

Est et non est crinitus Labienus, habetque

      Candida sub niveis colla comis nec habet?

Namque adeo rari toto sunt vertice crines

      Vt lippus facile dinumerare queat;

5

Hos tamen ovorum crispans albugine densos

      Reddit et in cirros circinat innumeros:

Sic procul apparet puero crinitior omni

      Cum prope sit quovis calvior, Aule, sine.