99. ad Georgios fratres patritios Venetos

Cum natura potens Venetis decus addere vellet,

      Quo foret in tota pulchrius urbe nihil,

Fecit ut egregii iuvenes generentur ab uno

      Tot patre, quot cythara mulcet Apollo deas,

5

Artibus ingenuis quos sic dare longa iuvaret

      Tempora, sic studiis invigilare bonis,

Vt tibi Pierides quantum tribuere puellae

      Tunc, Parnase, iugum cum subiere tuum,

Vrbs, tibi nunc, Venetum, tantum Georgia proles

10

      Afferat, Illyricis fama decusque viris.