98. ad Dominicum ... patritium Venetum
O praestans iuvenis, primum quod carmen honorem
Scripsimus in Venetum mittimus, ecce, tibi:
Quod precor auspiciis iisdem, quibus ante legebat
Vendraminus, item tu, studiose, legas.
5
Nam, tibi si quantum iam nunc natura volensque
Musa dedit puero, fors dabit inde viro,
Dux eris in Veneta princepsque Dominicus urbe,
Haec erit et meritis palma tributa tuis.