92. in Andream Vendraminum
Venetorum principem vita functum

Hoc quicunque subis templum sedemque sacratam

      Inspice seu civis seu peregrinus eris:

Vendraminus in hac tegitur dux mole sepultus

      Andreas, patriae qui decus omne fuit,

5

Legatus quia seu Latias se ferret in oras

      Seu caperet primum in urbe locum,

Consilio Venetos sapiens ita semper honores

      Auxit, ut inde suis gloria summa foret.