90. ad Benedictum Lucensem Venetiis discipulos docentem

Illustri Venetum siquis reperitur in urbe,

      Qui scierit quicquid Graecia docta monet,

Qui scierit Latii quicquid cecinere poetae,

      Quicquid et antiqui floruit urbe Remi,

5

Aut qui Socraticis imbutus moribus, acer,

      Norit item virtus quid sibi summa velit,

Finxerit aut teneros iuvenes qui semper honesto:

      Dispeream, si non hic Benedictus erit.