89. ad Rinaldum Tyfernatem Venetiis commorantem
O Rinalde, novos inter mihi primus amicos,
Cui genitale solum, docte, Tyfernus ager,
Quis neget ingenium magnum tribuisse Minervam,
Quis neget aut Musas plura dedisse tibi?
5
En ego Pieridas quoque sum, Rinalde, secutus,
Vt mihi dent eadem, quae tribuere tibi:
Quin, si dempta tuo de nomine syllaba prima,
Nomen idem nobis inde duobus erit.
Quam mihi conveniunt studium nomenque tuumque,
10
Tam decet inter nos simus amore pares.