84. ad deum immortalem

Te, deus omnipotens, parent cui regia caeli

      Aurea, cui parent sydera, terra, fretum,

Te rogo, ne canis attollens tria, Cerberus, ora

      Insultet capiti, bellua saeva, meo,

5

Ne ve mihi tristes misero voret improbus artus,

      Sedeque nec mentem cogat abire sua.

Fac addicta tibi semper, tibi dedita semper

      Sit mea mens, vitiis haud violanda malis,

Vt tibi cuncta libens, quae sint placitura, facessat,

10

      Gaudeat inque tuo semper amica sinu.