77. ad Nicolaum sacerdotem Hectoris Foriliviensis fratrem
Tindaridae veluti toto splendentia caelo
Astra micant, nautis semper amica bonis,
Sic, Nicolae, micas caro cum fratre per urbem
Flamineam, doctis portus et aura viris.
5
Hector at urbanis frater rebusque gerendis
Instat, ut inde suus sydera tangat apex,
At tu, divinos cum relligionis honores
Attingas, famae consulis inde tuae.