Naldo Naldi epigrammaton liber, 34

Testo base di riferimento: A. Perosa, 1943

Cura dell'edizione digitale: M. Rossi


34. ad Iohannem ...

Gratulor ingenio tot maxima facta gerenti,

      Gratulor et studiis, dulcis amice, tuis,

Cum tibi pro meritis tribuat Florentia tantum,

      Dum leges patria condis in urbe novas,

5

Quantum Lacedemon tribuit bene grata Lycurgo,

      Civibus ut sanxit iura tenenda suis.

Hac igitur memorandus eris pietate, Iohannes,

      In patriam dum sol lucis habebit equos.