28. ad Dominicum Gallettum
versus scribere incipientem

I, puer, i, doctas iam nunc invise puellas,

      I, pete Castalium fronde virente nemus.

Nec te poeniteat tenuem cecinisse Camenam

      Aut tenuis quod nunc spiritus ore cadat.

5

Ille quidem vates, aequat qui nomen Homeri,

      Ille prius graciles edidit ore sonos

Et, qui nunc magnis perfundit fontibus orbem,

      Smyrnaeus, tenuis rivulus ante fuit.