Naldo Naldi elegiae ad Laurentium Medicen 2, 26

Testo base di riferimento: L. Juhász, 1934

Cura dell'edizione digitale: F. Boschetti


26. ad Laurentium Guidectum

Si, quibus auspiciis coepisti, edocte, sequeris

      Protinus Aonio pandere vela salo,

Qualem te video iam nunc, Guidecte, poetam:

      Frondibus ornabit pulcher Apollo suis.

5

Tu tamen interea crinem preme, docte, fluentem

      Floribus et nitidum pectine finge caput,

Vt tibi, cum doctas Phoebo monstrante sorores

      Ponentur capiti laurea dona tuo,

Ne cui digna parum sacro videatur honore,

10

      Splendeat unguentis aurea facta coma.