5. ELEGIA
Ad Ludovicum Cardinalem ac Patriarcham
127
Haec tibi de multis pavido conscripsimus ore,
Pauca, sed ingenti digna futura fide:
Nam modo censuram tanti mea Musa veretur
130
Iudicis ut Clario missa videnda deo;
At mihi si pavidos pelles de corde timores
Et dederis dubiae vela secunda rati,
Tunc et plura gravi non aspernanda cothurno
Audebo numeris inseruisse novis.