2. de eodem

Flete pium vatem, Aonides, magnumque corusci

      Carbonis tectum marmore flete iubar;

Cuius erant mores, quales decet esse Poetae;

      Vita nec a titulis ambitiosa suis.

5

O quoties casto calefecit pectora uersu,

      Et puerum Veneris reddidit Hippolytum.

Nemo nequitias est admiratus in illo:

      Et potior semper carmine uita fuit.

Nunc cum tam nitidae pereat uirtutis alumnus,

10

      Vix credam superos morte carere deos.