28. de Stella

Qualis flaventes Zephyrus permulcet aristas,

      Sirius ardenti dum coquit aura face,

Qualis languentes liquidus ros excitat haerbas,

      Dum fremit horrenti fervidus ore Leo,

5

Talis et aerumnas risu fugat et levat aestus

      Stella meos, risu Stella iocosa suo.

Huius enim risus mihi ros est, huius ab ore

      Aura venit, Zephyris lenior ipsa suis.

Aura, fave, foveasque senem, Zephyrique, favete,

10

      Et foveant risus, Stella benigna, tui.