21. de Venere et Amore

Exhausit pharetram Veneris puer, at Venus ignis

      Extinxit; Venus hinc, inde et inermis Amor,

Exhaustam hic pharetram, extinctas flet Cypria flammas,

      Hic arcum lacrimis tingit, at illa faces.

5

Neve, puer, neu fle, mater; dant spicula mille

      Stellae oculi. Puer, his utere pro pharetra;

Cum flammas mea corda vomant, his utere, mater,

      Pro face, inexhausta tu face, et hic pharetra.