18. ad Stellam

Stella, tibi coelum patria est, hinc clara refulges.

      Si tibi terra domus sit, domus Assyria est;

Assyrio etenim spirat tibi pectus odores,

      Assyrio mollis stillat ab ore liquor.

5

Sin quia deliciae et veneres blandique lepores

      Tecum habitent, patrii sit tibi terra lares,

Ipsa domus patriique lares sit Cyprus, et una

      Sit Veneri, atque eadem sit tibi, Stella, domus.