Tumulus Ptolemaei Gallinae Catinensis
celebris astrologi

Digne senex coelo, coelum, Ptolemaee, petisti;

      Pro Catina coelum patria facta tua est,

Quasque olim stellas numeris, quae sidera cursu,

      Nunc metire oculis, fataque certa tenes;

5

Et tibi quae series rerum, lexque ipsa futuri

      Nota patet, summis perfruerisque bonis.

A puero mihi culte senex Gallina, valeto

      Perpetuum, et Catinae vive perennis honos.