4. de casu Alexandri sexti pontificis maximi
Sextus Alexander quam sit tibi carus in omni
Tempore, Virgo parens, protinus ipsa doces.
Ecce, ruunt subito Eurusque Nothusque procellis,
Pontificemque parant perdere, Virgo, tuum:
5
Nam quatiunt summo de vertice tecta Palati,
Quo cadat in sanctum dira ruina caput.
Protegit ab alto sed eum tua dextera praesens,
Atque tuo est illi numine parta salus:
Sic servare soles cunctos discrimine ab omni,
10
Qui tua devoti sacra verenda colunt.