11. carmina Petrarcae in latinum versa

Caesar, honoratae cervicis proditor illi

      Postubi Niliacus tristia dona dedit,

Gaudia nota tegens, lachrymas expressit inertes

      Ex oculis, docet ut pagina prisca, foras.

5

Hannibal, imperio postquam tot fluctibus acto.

      Sors foret ut vidit facta molesta suo,

Moesta inter, simulans, lachrymosaque lumina, risit,

      Vt premeret luctum corde gemente magis.

Sic animus cunctas vario sub tegmine curas

10

      Nunc tegit ore hilari, nunc tegit ore nigro.

Invita quare siquando splene cachinnos

      Exprimo, quin etiam carmina siqua cano,

Id facio, quoniam nobis via nulla supersit,

      Haec nisi, qua lachrymas tristitiamque tegam.