Niccolò Perotti epigrammata, 3

Testo base di riferimento: A. G. Luciani, 1988

Cura dell'edizione digitale: E. Pecalli


3.

Cinxisti viridi Caesar mea tempora lauro,

      Ecce meas ornat sacra corona comas:

Non mea me virtus tali nunc munere dignum,

      Sed dulce effecit principis ingenium.

5

Diique deae precor pro me, mitissime Caesar,

      Persolvant meritis praemia digna tuis,

Ast ego quo tanto tibi sim pro munere gratus

      Cantabo laudes dum mihi vita tuas.