15. ad amicum de obtrectatore

Ille igitur Cambi de me mala verba loquetur?

      Et laesum toties ora aperire vetas?

Taurus in adversum cornu ruit obvius hostem,

      Atque lacessitus dente minatur aper.

5

Molle pecus, quacunque potest defendere sese,

      Certat, et accipitri parva repugnat avis.

Ille mihi verbis petulantibus insultarit?

      Et lapis, ut visa Gorgone, mutus ero?

Non ego sum iusta patiens ac segnis in ira,

10

      Vrenteis flammas et meus ignis habet.

Criminibus fictis infamem quisquis amante

      Reddit, sacrilegos inter habendus erit.

Laesus Amor bello genitas non segniter ultus

13a

Belidas violatur amor, non segniter ultus.

Impia lethaea colla fatigat aqua.

15

Albus erat quondam volucris Phoebeia corvus,

      Nunc importunae praemia vocis habet.

Tu quoque ne dubita, solves mihi perfide poenas

      Et quod mentita est invida lingua, luet.

Stulte, quid insanis? male cautas novimus arteis

20

      Et tua non ulla retia fraude latent.

Rumperis atque meo frustra insidiaris amori,

      Nec tibi successus improba vota dabunt.