Lorenzo Bonincontri vaticinium

Quis putet aethereos orbes sine numine divum

Nequicquam coelo labi, nec nostra movere

Corpora, diversas hominum nec ferre figuras ?

Astra poli bis sena nitent quae margine mundi

5

Ignorant coeli rationem quique vagantes

Hoc itidem signasse malos pro tempore casus

Et permutari coelo faciente vicissim,

Decipiunt nullaque loqui ratione videntur.

Omnis enim terrae ratio dependet ab astris:

10

Fatorum tempusque datum, quod maximus author

Praebuit ordinibus certis causasque repostas

Fatorum ordinibus sua cuique potentia formae

Ignorant, quid magna parens natura ministrat

Portendentque vagae stellae venientibus annis.

15

Nam modo per boream iaculantur lumina septem

Errantes, nunc parte noti fulgere meatu

Praecipites; ut fixa suis contraria giris,

Astra meant tardantque vices celerantque rotatus,

'Sic felix aut triste venit pro tempore fatum.'

20

Nam certis affixa globis sunt astra per orbem

Et proprios peragrant per singula tempora motus.

Haec mare conturbant ventis et grandine terras,

Aera vel miscent pluviis vel flatibus austri.

Aut super accensae nubes iaculantur et ignes

25

Fulgura vel magno sonitu cum murmure mittunt

Ventorum rabie motu faciente poloque.

Hinc bellis vexata quies, hinc arma quiescunt,

Hinc fecundus ager reddit pro tempore fenus

Hinc steriles reddit duris messoribus annos,

30

Hinc pestis rapit omne genus pecudumque hominumque.

Quae coelo faciente fluunt nunc prospera terris,

Nunc adversa viris descendunt corpore ab uno

Et permutatis assurgent tempora rebus.

Quatuor in partis divisum mensibus annum

35

Sol facit aurati lustrat cum vellera frixi,

E quibus omnis erit fatorum cognitus ordo,

Qui mihi suggessit quae sint ventura per annum

Promere diversas anni variare figuras,

Vt libet autori rerum qui cuncta ministrat

40

Dispensatque vices certo moderamine rerum.