Narus ad id quodcumque facis, mihi cerneris unus:

      Siue mouere uelis seria, siue iocos.

Nam neque hyperboreum gryphes uigilantius aurum

      Quam tu munifici Caesaris aera tenes.

5

Iussa nec illius grauiori uendicat ulla

      Lingua uel arcano, uel manus eloquio.

Quae precor ingenii per tot uersatilis artes

      Quae tum multiplicis laus erit ulla uiri?

Perpetuum Blasi mea te monumenta loquentur:

10

      Si quid perpetuum, si quid honoris habent.