Virginis intacte cum veneris ante figuram,

      Pretereundo cave ne taceatur Ave.

Felix mater, Ave; qua mundus solvitur, Ave;

      Que genitricis Eve ve facis esse breve.

5

Angelus inquit: "Ave". Nuis, alma puerpera, clave.

      Fit Deus, haudque rave, qui tulit omne rave.

Eva revolvit Ave, ve tollens gestaque prave.

      Istud Ave suave mitigat omne grave.

Vtar Ave nave pelago, celis quoque clave.

10

      Dum cano sic gnave, Virgo beata, fave.

Dic ingressus Ave, fugias ut verbera clave.

      Hoc per conclave dicere vana pave.

Hac Ave fretus ave celos, alis aquilave,

      Mente columbave, dum sibi dicis Ave.