Eiusdem carmina sunt haec ut melius praecedens epigramma intelligatur

Saeva fugis, fastu spernis me, Filida, quorsum

      Verus amor quando nititur in vetitum.

Tu licet et fugias ultra Garamantas et Indos:

      Te sequar et fugias tu licet ad Tanaim.

5

Quo magis et miserum spernis, magis aestuat ignis

      Pectore, et invitis te sequitur pedibus.

Ne te depeream, ne sis mihi maxima cura,

      Hac in re poteris iuris habere nihil.

Ast habeas, liber, tanto quem munere damno.

10

      Ipse tuo fuerim, cogar amare magis.