Te nascente ferunt ex ortu flumina mella
Dulcatis cunctata vadis oleique liquoris
Isse per attonitas bacca pendente trapetas.
Protulit undantem segetem sine semine campus
5
Et sine se natis invidit pampinus uvis.
Hibernae rubuere rosae spretoque rigore
Lilia permistis insultavere pruinis.
Tale puerperium quotiens Lucina resolvit,
Mos elementorum caedit, Musaeque futurae
10
Fit rerum novitas decus. Venisse beatos
Sic loquitur natura Deos. Constantis Iuli
Lambebant teneros incendia blanda capillos;
Astyages Cyro pellendus forte nepoti
Inguinis expavit diffuso vite racemum.