Hieronymus Cantalupus Mantuanus philosophiae professor Danieli Fino

Legi, Fine, tuos tulit quos Musa libellos.

      Quid referam? Altiloquis tu numerare choris.

Carmina docta facis tu qualia condere Naso

      Est solitus, facili dum notat illa manu,

5

Qui Veneris plectro blandos dum lusit amores

      Lusit quae nullo sunt peritura die.

Tu meliore potes Musa describere versus

      Et famam pariter ducere perpetuam.

Proelia namque canis duri tu Martis in armis

10

      Cumque libet celebras seria mixta iocis.