Giovanni Pico della Mirandola carmina 11

Reference basis text: von W. Speyer, 1964 (1-10); S. Pasquazi, 1966 (11)

Editing of the digital edition: M. Sartor, 2023

Other sections


Iohannes Mirandolensis Prothonotarius Lodovico Pictorio

 

Carmina Phobeae dictant tibi culta sorores,

      Bellerophontaeis carmina digna vatis.

Quae sapiunt Cirrham, sapiunt Permessidis undam

      Aequiperanda tuis Marce iocose modis.

5

At mea limosas inter nutrita paludes

      Perstrepit inculto balba Thalia sono.

Pegaseo numquam sua proluit ora liquore

      Ingenio et numeris nil valet, arte minus.

Ergo tuis quod non dederit responsa tabellis

10

      Da veniam. Calami saeva flagella timet.