Epistola Nicolai Michaelis Bonaiuti Florentini missa ad formam basilicae Sancti Pauli incipit
Si magnus pastor venerando culmine serptus
Clerorum coetus paulo mea vota repleret,
Cum quodam studio ferventi corde locato
Non plerumque tuas omni maerore ruinas
5
Spectarem, quando pedibus tua limina calco
Quae fundata fuerunt a fervore potentis
Regis cum vivi superi mandata peregit,
Quod digne faceret sincero pignore sacrum
Decretum causa reparandi robore firmo
10
Quod tibi praesertim totiens penetralibus amplis
Deficit et pandit rutilum tua damna sub axem,
O sancti Pauli templi latissima forma.
Scilicet ut quisquis fulvo de pondere census
Ecclesiae recipit thesauri et munera summi
15
Pontificis pulchra constantis sede Quiritum,
Si princeps foret eximio tutamine fultus
Aut servus mordaci condicione ligatus,
Si miles foret armorum de tegmine comptus
Aut quidam positus tranquilla pace colonus,
20
Si clerus foret a sacro velamine tectus
Aut fragilis civis privata sorte locatus,
De centum nummis stabilito pro ordine quinque
Concedat, tribuat pulsa caligine fraudis
Pro causa restaurandi fastigia rupta
25
Templorum Romae fractas et saepe columpnas,
Sed potius sancti miranda oracula Pauli,
Quae nimium resident variis confusa ruinis.
Hoc precor ut faciat pastor sanctissimus Vrbis
Ecclesiae sacro solio qui lora gubernat,
30
Dat populo veniam Christi qui numen adorat.
Istud cum puro studio patrare deceret
Omnes pontifices fidei sermone peritos,
Si satis affectant seriem servare tonantis,
Quod capiunt fulvae templorum pondera gazae
35
Ceu fruges et oves et pulcrhum sedis honorem.
Cum firmo stimulo digne servare deceret
Istud famosos proceres regesque potentes
Qui faciem nati superi laudare peroptant,
Quod validus princeps Romana sede locatus
40
Praebuit arbitrium venerandi nomina Christi
In variis templis labenti tramite mundi.
Cum calido voto magis hoc agitare deceret
Omnes christicolas devoto lumine fultos,
Si digne genitum regis caelestis adorant
45
Et sibi dant crebro venerandae pignora laudis,
Quod Deus instituit miranda sede Quiritum
Cum sancto Paulo summum constare ministrum
Ecclesiae sanctae dando libamen ad aras,
Qui veniam cunctis pausato pectore donat.
50
Hoc ego si possem teneor salvare patenter
Cum rutilis gazis pariter cum robore denso,
Sed careo nummis, tremulo nam corpore sisto
Dentibus et careo multis sociatus ab annis,
Quod sibi non valeo dignum praebere vigorem,
55
Ni quoque cum precibus magnum rogitare ministrum
Clerorum praestanti stantem culmine sacro
Cum calamo pariter scribendo verba tabellis
Quod sibi presidium ferventi pectore mittat
Solicite faciens staurato cum ordine tale
60
Decretum causa reparandi templa tonantis,
Quae formata fuere palam fervore fideli
Constantini olim Latiali parte libenter.
Heu dolor et maeror quanto mea corda flagellant
Cum video Pauli fractas in cardine valvas
65
Et varias aedes quodam sine tegmine tecti,
Quod pulsat circum veniendo per aethera grando
Multotiens altaria cum terrore nefando,
Saepe palam cantus moto rumore procellae
Conturbant cleri et fultas dulcedine voces,
70
Et nix in latis cingit penetralibus aras,
Marmoreas facies laedit cum turbine nymbus,
Tecta cadunt sculptae simul et livore figurae
Sanctorum praesertim et salvatoris ymago.
Sed tamen a pigro sistunt ardore coacti
75
Qui debent sibi sincerum praebere favorem,
Restaurando suas devoto corde ruinas,
Luxuriis citius quaerunt gaudere prophanis
Quam doctoris basilicae praestare vigorem,
Qui dedit eximiam dempta fuligine normam
80
Vivendi Christi pro religione fidelis
Ecclesiae coram ducibus vel sede tiranni,
Laudando genitum Domini stellantis Olimpi,
Qui socius mansit Petro splendore comatus
Cum princeps Romae cepit solamen amenum
85
Catholicae turbae donum sanctaeque salutis,
Quod rex magnanimus statuit fundare micantes
Basilicas praesto Latii regione locatas,
Plurima templa Dei nato fervore peregit,
Christicolis dando praestanti corde favorem.
90
Quod decet ablato dubio de mente labanti
Nunc altaria christicolas staurare tonantis,
Cum nitidis gazis cumulatis viribus horum,
Cum quoque decreto stabilito praeside summo
Quod rogito fieri centum per saecula mundi
95
Sed quoque praesenti praecelsam tempore sancti
Ecclesiam Pauli rutilo salvare metallo.