Opusculum de terraemotu et pestilentia cum Annotamentis Galeni, Conclusio

Endecasyllabon ad libellum

Sunt fratres tibi plurimi, libelle,

Omnes legitimi, probi, pudici,

Quorum quisque suos habet patronos

Claros stemmate nobilesque censu,

5

Quorum praesidio nihil timentes

Florent et volitant per eruditos.

Sed tu quem tibi vindicem, libelle,

Sacro de grege quem paras patronum?

Erasmum eligis? optio est beata.

10

Nam quis doctior hoc benigniorque?

Quis praestantior elegantiorque?

Qui morum probitate perpolitus

Inter pontifices episcoposque

Instat sideris enitet decori.

15

I iam curriculo ad tuum patronum,

Quo sub vindice nec gravem Catonem

Narem aut rhinoceroticam timebis.