Missa Bonincuntro Pataui de parte poete

      Exit ab Illirico litera parua mari,

Parua quidem, paruis fruimur, carissime, rebus,

      Nauigat exiguis nostra carina Nothis.

5

Hoc lucri feci, patior pro uiuere paruo

      Donaque fortune gratificare mee.

Parua famem iam nunc extinguit aculula nostram

      Se solitam toto uix saciare capro;

Nostra sitis decies limphato cedit aceto

10

      Vix unquam Euganeo molificata mero.

Nimirum a plano non eminet inguine uenter,

      Sicca iacent paruis exta coacta locis.

Discessere animam solite configere cause,

      Sustitit incendens anxia corda calor.

15

Non tumor, aut luxus, non ire feruidus ardor

      Corporee molis seua tributa petunt.

Laudibus a nostris nunquam reticende magister

      O mea quem coluit prima iuuenta, uale.