Tumulus trium grammaticorum.
Pontanus ipse loquitur

Paschalis iacet hic, docuit qui grammata, meque

      Instituit puerum nescius insciolum.

Melcior huic successit ineptus, et inde Cataldus:

      Tris hos vix unus ferre potest tumulus.

5

Ille valet pugnis, ast alter robore luctae,

      Hic clamore grues vicerit atque anates.

Ite procul, Musae, puerum me quae nequistis,

      His a grammaticis nestoreum eripite.