Tumulus Cerberi hominis furacissimi

Cerberus hic situs est, latrat sed ad hostia nullus;

      Scilicet inditio ne sit, id ipse timet.

Fur erat et furtis vitam ducebat; at illum

      Devorat in tenebris improba turba canum.

5

Vmbra petit manes, quam Cerberus ore trifauci

      Devorat, haud stygias passus inire domos.

Furibus haec poena est: furti reus hostia Ditis

      Non intret, rabido praeda sit ille cani.