Tumulus Violantis puellae.
Viator et Genius colloquuntur

Viator

Quaenam hic virgo iacet?

Genius

      Cuius de funere moerens

Fregit Amor pharetram dissecuitque genas.

Viator

      Quis comes in tumulo est?

Genius

                                                   Lusus, veneresque, iocique.

Viator

      Quis tam demisso qui madet ore?

Genius

                                                                Decor.

Viator

5

      Quod nomen?

Genius

                             Violantis.

Viator

      Origo nominis unde est?

Genius

Surgebant violae fixit ubi illa pedem.

Viator

      Immanem Lachesin, quod nunc rapis. Heu brevis est flos,

Quem neque ros posthac, lympha nec ulla riget.