Tumulus Stellae Ferrariensis.
Pontanus ipse loquitur

Sit vati fas, Pierides, quae lucida fulget

      Stella polo, hanc proprio condere sub tumulo.

Stella, tibi tumulus coelum est, haec te tegit urna,

      Teque per et tumulus, te per et urna nitet:

5

Stella, nites urna, radios tibi et urna ministrat,

      Praebet et hos tumulus, et tumulo ipsa nites;

At nec Stella iacet tumulo, sed splendet in urna,

      Splendet et in tumulo, nam polus est tumulus.